Hormuud Salaam Foundation oo deeq gaarsiisay Isbitaalka Dhimirka Xabeeb

Monday April 04, 2022 - 13:15:56
0 Comments
642
Xafiiska Wararka
Muqdisho (so.diplomat.so) - Hay'adda Hormuud Salaam Foundation ayaa gaarsiisay deeq kala duwan oo ka kooban raashiin isugu jira Bur, Bariis, Sokor, Saliid iyo Timir Isbitaalka dhimirka ee Dr Xabeeb.
Ugu horreyn waxaa ka hadlay Guddoomiyaha Hay’adda Hormuud Salaam Foundation, Cabdullaahi Nuur Cusmaan, kaasi oo faafaahin kabixiyay deeqda ay gaarsiiyeen isbitaalka dhimirka ee Dr Xabeeb, isagoo tilmaamay deeqdan ay qeyb katahay barnaamijka taakuleynta iyo afurinta dadka danta yar iyo kuwa baahiyaha gaarka qaba maadaama lagu gudajiro bisha Ramadaan oo uu jiro sicir barar baahsan oo dhanka raashinaka qutul daruuriga.

Cabdiraxmaan Cali Cawaale Dr Xabeeb, Madaxa isbitaalka dhimirka oo deeqda guddoomay ayaa uga mahadceliyay hay’ada Hormuud Salaam Foundation caawinaadda ay soo gaarsiiyeen, isagoo tilmaamay in mar waliba sidan oo kale ay caawin uga helaan marka la gaaro bisha barakeysan ee Ramadaan.

Agaasimaha Waaxda arrimaha bulshada ee Xafiiska Ra'iisul wasaaraha Maryan Aadan Amiin oo iyana goobta ka hadashay ayaa timaamtay in deeqda hay’adda Samafal ee Hormuud Salaam Foundation ay muhiimad gaar ah u leedahay dhibanayaasha isugu jira ragga iyo dumarka ku xaraysan isbitaalka dhimirka ee Dr xabeeb.

Barnaamijka lagu taakuleynayo dadka danta yar ayaa Hormuud Salaam Foundation waxaa maalmihii la soo dhaafay ay ka wadeen gudaha Soomaaliya, gaar ahaan magaalada Muqdisho, waxaana ay ka faa’iideysteen dad aad u fara badan, iyadoo madaxda hay’ada ay balanqaadeen in ay sii laba jibaari doonaan wax u qabashada dadka danta yar.

Qodobo La xiriira


Faallo ka bixi